´ڕاپورتێک لە سەر جەژن خاونکار لە وڵات سوئد

´ڕاپورتێک لە سەر جەژن خاونکار لە وڵات سوئد

خۆرهەڵات نێوز :ئێوار شەو ڕێکەفت ٣.١١.٢٠١٢ لە شار ئسکیلستوینا جەشنێک وە شکوو، وە بونەێ  ئەێد "خاونکار"وە بەشداری جەم فرەێک لە مەردم یارسان وەڕێوە چیمەردم لەوەخت وارد بینێان وە لوکاڵ جەشنەکە جور نەریتێک کە لە ناو فەلسەفەێ ئایین یاری و لە ناو مەردم یارسان ڕەنگ داگەسوە، وە ئەێد بمارکی و دەسلەملیەکتر کردن و ئومێد خواستن ژیانێک خوەشتر

و شادتر لە ساڵەکانتر ئەڕا یەکتر، فەزاێک پڕ لە دوسی و نیەت پاکی وە ئنسان نیشان٠مەردم لەوەخت وارد بینێان وە لوکاڵ جەشنەکە جور نەریتێک کە لە ناو فەلسەفەێ ئایین یاری و لە ناو مەردم یارسان ڕەنگ داگەسوە، وە ئەێد بمارکی و دەسلەملیەکتر کردن و ئومێد خواستن ژیانێک خوەشتر و شادتر لە ساڵەکانتر ئەڕا یەکتر، فەزاێک پڕ لە دوسی و نیەت پاکی وە ئنسان نیشان٠ 

جەشنەکە لە تەرەف وەڕێوەبەرگەل بەرنامە، سارا ناسری و پەێمان نەجەفی وەئەرا بناخەدانەر ئایین یاری "سوڵتان سەهاک " و یارانێ و ئەو کەسانگە لە کە ئەرا ئازادی لە ڕی نیشتمان و  ئنسانیەت گیانیان لەدەس دانە دەقەێک بیدەنگی ئێلام کریا.

جور فەرەنگ و دابونەریت و ئەهمیەت تاریخی ئی یاد ملیە، بەرنامەکە وە نیایش و دوئا وە ئالەت تەمویرە لە تەرەف  شاهین خوسرەویوە  شرو کرد٠

لە ئدامەێ بەرنامەکە پەیامێک هاوبەش کە لەسەر فەلسەفەێ خاونکار و موبارزەی یاران سولتان کە وە "هەفتەوانە" ناسیەن لە تەرەف مستەفای ئەکبەری پێشکەش کریا٠.

ئدامەێ بەرنامەکە وە گورانی کوردی لە تەرەف جوانەێل دەنگخوەش یارسانیوە زیاتر گڕ و تین دا جەشنەکە و مەردم ،ژن و پیاگ دویەت و کور گەورەو بویچک وە هەڵپەڕی و شادی ئی یاد پیروزە بیشتر خوەش کردن. شادی و هەڵپەڕی و خوەشی کردن لە فەلسەفەێ ئایین یاری هەمویشە بەێانگەر ئیەسە چەنێ ئەهمیەت دریەتە ژیان و شێوەی زندەگی کردن لەی جامئە٠.

دویاێ چەن سات لە هەڵپەڕێ و شادی، هەر یەک لە ٣ سازمان یارسانی چەن دەقە لە کار و فەئالیەت خوەێان پێشکەش بەشداران جەشنەکە کردن کە وە گەرمی ئستقباڵ لەئەهەمیەت و کار و تێکوشانێان کریا، جی وەتنە کە پەێام سدی لەتەرەف ئەلی مهرابی، پەێام فدراسیون لە لاێان  فەرەناز نەجەفی و پەێام جوانان لەتەرەف شوان جوانمیریوە پێشکەش کریان٠

بەرنامەکە لە تەرەف گوڵموراد چراقی و یوسف وەکیلی کە لە وڵات دانمارکوە تەشریف هاوردوین  وە ساز و دەوڵ کە یەکی لە قەدیمیترین هونەر و موسیقاێ کوردین چەن بەرابەر شەو جەشنەکە خوەشتر کرد و ئەکسەریەت مەردم ئەرا چەن سات وە دەنگ دڵگیر ساز و دەوڵ هەڵپەرێنو جارێکتر هاڵ هەواێ خاک و نیشتمان و زەمان قەدیم، وەختێ مەردم لە ڕوژگەل خوەشی جور سویر(ئەروسی) و یادگەلێکتر چەن ڕوژ  هەڵپەڕکی و شادی کردن و وەیجورە بەشداری کردنە هەم ئی دابو نەریت کوردیە پارێزان و هەمیچ وەیجور  نیشان دان کە خاون سویر ئحساس خوەشی و شاد دبکەێت ئدامە پەێا کرد.

ئاخرین ساتەکان جەشنەکە وە گورانی جوانەێل دەنگ خوەش و خاون سەلیقەێ هونەر کوردی تا سات ٢٤ شەو ئدامە پەێا کرد و بەشداران جەشنەکە وە تاێوەت جوانەێل تا ئاخرین لەحزە وە هەڵپەڕێ ڕەشبەڵەک ئدامە وە  هەڵپەڕێ و شادی خوەێان دان.

جێ خوەێ دێری کە وە ناو گورانی ویشگەل و موسیک ژەنەێل ئە جەشنە ئشارە بکریەت.

: موسیک ژەنەێل

١سید بهزاد حوسەینی 

٢ نەبەرد جوانمیری 

٣ پەێمان مورادیان

گورانی وێشەێل 

:

١قوباد رەزایی

٢کیانوش جوانمیری

٣بهمەن موئین

٤سابیر جوانمیری

٥ئابدین جوانمیری

٦قوباد نەجەفی

ئەڕا دیین ئەکسەکان ئێراد کلیک بکە

http://www.xorhelatnews.org/