پەێام سازمان دموکراتیک یارسان وە بۆنەێ پەسەند کردن وە ئوستان بیین حەڵەبجە

پەێام سازمان دموکراتیک یارسان وە بۆنەێ پەسەند کردن وە ئوستان بیین حەڵەبجە

هەر ئەوجوەرە لە میدیاکان باس کریاس، ئنجومەن وەزیران عراق ڕەزامەندی خوەێ نیشان داس کە حەڵەبجە بکریەتە ئوستان و بڕیارەکە ڕەوانەێ پارلمان عراق کردنە تا پارلمان عراق لە بار قانونیوە ڕاێ بێنە ئێ پێشنەهادە. ئیمە جور سازمان دموکراتیک یارسان پشتیوانی و خوەشحالی خوەمان لەی بڕیارە دەربڕیمن و هاوکات پیروزبایی گەرم خوەمان ئاراستەێ مەردوم حەڵەبجە و گشت مردم کورد کەیم و دەس خوەشێ لە براێ ئازیز و پڕ تەڵاشمان کاک گۆران ئەدهەم کەیم کە توانست قورساێک بۆوت ئەڕا وە ئوستان بیین حەڵەبجە. دیارە شار حەڵەبجە و دەوروەرێ ساڵانێکە لە دەرد و مەینەت ڕەنج کیشن و هەمراێ ئاسار شیمیایی وەپێوە دیارە. ئومێدواریم پارلمان عراق وە زورینەێ دەنگ ئی بڕیارە پەسەند بکەێ و دڵ مردم حەڵەبجە خوەش بکەێ و هاوکات هەنگاو هەڵ بگیریەت ئەڕا جوبران کردن خەسارات مردم حەڵەبجە.

http://www.yarsanmedia.com/?p=5112
جارێکتر پیرۆز بۆوت وە ئوستان بیین حەڵەبجە
سازمان دموکراتیک یارسان
کومیتەێ‌مەرکەزی
3.1.2014